Tá beoir fhíréanta bhlasta á grúdú againn ó bhí 2012 ann. Tá muid bunaithe ar an Spidéal, Contae na Gaillimhe agus tá muid paiseanta go smior faoi bheoracha fíréanta nádúrtha a ghrúdú leis na comhábhair is fearr. Tá beoir á cruthú agus á grúdú againn a mbaineann ár pobal áitiúil an-sult as agus tá siad bródúil as mar dheoch s’acu féin.

Inár n-ionad Taighde & Forbartha i gCasla, Contae na Gaillimhe, díríonn muid ar réimse beoracha éagsúla a dhearadh agus a chruthú. Is é san áit seo a n-oibríonn muid le braich agus le gráin eile as Éirinn agus as áiteanna ar fud an domhain. Baineann muid úsáid as leannlusanna éagsúla, idir na scothchineálacha stairiúla agus na hibridí is deireanaí de chuid an domhain nua, chomh maith le comhábhair fhuncaíáilte amhail spíosraí, cócó, salann, torthaí agus luibheanna áitiúla amhail raideog agus fraoch. Tá réimse leathan giostaí againn agus cuireann sé iontas orainn i gcónaí an méid blasanna éagsúla a fhágann an giosta ar na comhábhair chéanna.

Caitheann muid go leor ama ag cur bailchríoch ar ár mbeoir ag céim an Taighde agus na Forbartha - athraíonn muid na teochtaí agus an comhuainiú le linn an phróisis grúdaireachta, coipthe agus cóireála. Déanann muid tástáil ó thaobh blas agus boladh ar na torthaí éagsúla a bhaineann le hathruithe beaga a dhéanamh don phróiseas. Nuair a bhíonn muid go hiomlán sásta leis na torthaí, is ansin amháin a chuireann muid an bheoir ar aghaidh chun í a tháirgeadh.

Tá comhoibriú déanta againn le tithe tábhairne, óstáin agus díograiseoirí beorach araon. Oibríonn muid leo chun a mbeoir uathúil féin a dhearadh agus a chruthú agus tá siad seo ar díol acu anois.

Má tá suim agat do bheoir uathúil féin chruthú agus a dhearadh, féadfaidh muid cabhrú leat é sin a dhéanamh. Caith seal lenár bhfoireann grúdaireachta agus foghlaim an chaoi le d’oideas féin a chruthú agus a dhearadh agus úsáid á baint agat as ár bhfearas tráchtála. Déan teagmháil linn agus beidh réiteach againn duit.

Tá ár ngrúdlann tráchtála lánscála i mbun ullmhúcháin, ach idir an dá linn déanann muid méideanna tráchtála a ghrúdú ar conradh lenár gcairde in Trouble Brewing i gCill Dara.